ԿԱՆՈՆԱԴՐՈՒԹՅՈՒՆ

1․«Հանուն Հայ Զինվորի » ռազմահայրենասիրական հասարակական կազմակերպությունը (այսուհետ` Կազմակերպություն) Հայաստանի Հանրապետության քաղաքացիների, օտարերկրյա պետությունների քաղաքացիների, քաղաքացիություն չունեցող անձանց և (կամ) իրավաբանական անձանց հասարակական միավորում է, որն ունի առևտրային կազմակերպության կարգավիճակ:

2.Կազմակերպությունը գործում է Հայաստանի Հանրապետության օրենսդրության, միջազգային պայմանագրերի ու  սույն կանոնադրության համապատասխան:

3․Կազմակերպության գործունեության սկզբունքներն են օրինականությունը, անդամության կամավորությունը, իրավահավասարությունը, ինքնակառավարումը և հրապարակայնությունը:

4․Կազմակերպությունը գործում է ՀՀ և Արցախի ամբողջ տարածքում։

5․Կազմակերպության անվանումն է`

• հայերեն «Հանուն հայ զինվորի» ռազմահայրենասիրական հասարակական կազմակերպություն

• կազմակերպության կրճատ անվանումը hայերենով` «Հանուն հայ զինվորի» ՌՀԿ

• անգլերեն “For Armenian soldier” military-patriotic Non-Governmental Organization

• Կազմակերպության կրճատ անվանումը անգլերենով ` ”For Armenian soldier” military-patriotic NGO

• ռուսերեն “Во имя Армянского Солдата’’ военно-патриотическое неправительственная организация

• կազմակերպության կրճատ անվանումը ռուսերենով ՝ “Во имя Армянского Солдата” НПО

6․Կազմակերպությունն ունի իր անվանմամբ կլոր կնիք, դրոշմ, պաշտոնաթղթեր, խորհրդանիշ, հիմն, ինքնուրույն հաշվեկշիռ, հաշվարկային և այլ հաշիվներ բանկերում՝ ինչպես ՀՀ դրամով, այնպես էլ՝ օտարերկրյա արժույթներով։

7․ Կազմակերպության խորհրդանիշը իրենից ներկայացնում է ձախից աջ պտտվող եռանկյունաձև միմյանից բռնած  երեք ձեռք, համպատասխանաբար ներկված կարմիր, կապույտ և նարնջագույն գույներով, մեջտեղում տեղադրված է ՀՀ և Արցախի միացյալ քարտեզը, իսկ նկարի շրջագծով սև կլորաձև ձախից աջ գրված են կազմակերպության հայերեն և անգլերեն անվանումները: (հավելված 1)

8. Կազմակերպության պաշտոնական կայք՝ www.banak.info, էլ. հասցե info.banak.info :

Կազմակերպության խնդիրները և նպատակներն են`

1․Աջակցել կրթօջախներին երեխաների ռազմահայրենասիրական դաստիարակության գործում. կազմակերպել բաց դասեր, հանդիպումներ, քննարկումներ, ուսուցողական սեմինար պարապմունքներ, թրեյնինգներ:

2․Աջակցել կարիքավոր զինվորականներին և նրանց ընտանիքներին` տրամադրելով նյութական և հոգեբանական օգնություն:

3․Աջակցել սոցիալապես անապահով ազատամարտիկներին և զինվորներին, նրանց տրամադրել հոգեբանական և այլ աջակցություն:

4․Ռազմական, տեղեկատվական անվտանգության, ազգային արժեքների խթանման և հարակից ու ածանցյալ այլ թեմաներով հետաքրքրված անձանց համար կազմակերպել տարաբնույթ ֆորումներ, դասընթացներ, բանավեճեր, մրցույթներ, թրեյնինգներ սեմինարներ և սիմուլացիոն խաղեր, հանդիպումներ, որոնց ընթացքում պատանիները կծանոթանան ՀՀ ազգային հերոսներին, պետական-քաղաքական նշանավոր անձանց, նրանց պատմությանը, առանձնակի խիզախությամբ աչքի ընկած մերօրյա զինվորներին և հրամանատարներին և այլն։

5․Խթանել ազգային ինքնագիտակցության բարձրացմանը՝ երիտասարդների մասնակցությամբ միջոցառումներ կազմակերպմամբ:

6․Ռազմահայրենասիրական միջոցառումների միջոցով օժանդակել երիտասարդության շրջանում բանակի դերի կարևորության և գիտակցության բարձրացմանը:

7․Կազմակերպել դրամահավաք-միջոցառումներ, հանգանակություններ, գրքահավաքներ և մշակութային միջոցառումներ՝ զինվորներին աջակցություն ցուցաբերեու նպատակով:

8․Կազմակերպել այցեր ՀՀ ՊՆ և ԱՀ ՊԲ զորամասեր, մարտական դիրքեր, կրակադաշտեր և այլ պարապմունքների համար հարմարեցված այլ վայրեր, կազմակերպել մշակութային միջոցառումներ և տարբեր ուսուցողական դասընթացներ, սեմինարներ զինվորների համար, տրամադրել նյությական և հոգեբանական աջակցություն։

9․Համագործակցել ՀՀ-ում գործունեություն ծավալող այլ ռազմահայրենասիրական, բարեգործական, երիտասարդական և հարակից ոլորտների հասարակական կազմակերպությունների, պետական գերատեսչությունների, ՍՊԸ-ների, ԱՁ-ների, կազմակերպական-իրավական այլ կարգավիճակ ունեցող ընկերությունների և կազմակերպությունների, ինչպես նաև միջազգային կազմակերպությունների հետ` համընդհանուր նպատակների իրականացման նպատակով:

1․Կազմակերպության անդամ կարող է դառնալ յուրաքանչյուր ոք, ով ընդունում է սույն կանոնադրությունը, կիսում է Կազմակերպության գաղափարախոսությունը, իր գործունեությամբ նպաստում է Կազմակերպության կանոնադրական նպատակների և խնդիրների իրականացմանը:

2․Կազմակերպության անդամի ընդունելության մասին որոշումը կայացնում է Կազմակերպության խորհուրդը կամ խորհրդի կողմից ձևավորված համապատասխան հանձնաժողովը` Կազմակերպությանն անդամակցելու ցանկության մասին քաղաքացու գրավոր դիմումի հիման վրա:

3․Կազմակերպության անդամը ցանկացած ժամանակ ազատ է դուրս գալու Կազմակերպությունից: Կազմակերպության անդամությունից հեռացումը կատարվում է Կազմակերպության խորհրդի որոշմամբ:

4․Կազմակերպության անդամների համար կա սահմանված միանվագ մուտքավճար, և նախատեսված անդամավճար, որի չափը սահմանում է Կազմակերպության խորհուրդը։

5․Կազմակերպության անդամությունից հրաժարվելու կամ զրկվելու դեպքում և նորից անդամ դառնալու համար ևս սահմանվում է միանվագ մուտքավճար , որը սահմանում է Կազմակերպության խորհուրդը։

Կազմակերպության անդամն իրավունք ունի`
1․ընտրել և ընտրվել Կազմակերպության ղեկավար մարմիններում,
2․Կազմակերպության ղեկավար մարմինների քննարկմանը ներկայացնել Կազմակերպության կառուցվածքի և գործունեության վերաբերյալ առաջարկություններ, դիտողություններ, գործնական ծրագրեր,
3․ստանալ Կազմակերպության իրավական, բարոյական և այլ աջակցությունը,
4․սպառիչ տեղեկատվություն ստանալ Կազմակերպության գործունեության մասին,
5․ կազմակերպության մարմինների որոշումները բողոքարկել գրավոր կարգով` ըստ վերադասության,
6․ կազմակերպության մարմնի, այդ թվում բարձրագույն մարմնի որոշումները վիճարկել դատական կարգով` ՀՀ օրենսդրությամբ սահմանված կարգով,
7․ ծանոթանալ Կազմակերպության մարմինների աշխատանքի արձանագրման մասին փաստաթղթերին, ստանալ նրանց ընդունած որոշումների պատճենները անարգել դուրս գալ Կազմակերպության անդամությունից:
8․իրականացնել օրենքով սահմանված այլ իրավունքներ:

Կազմակերպության անդամը պարտավոր է`
1․մասնակցել Կազմակերպության աշխատանքներին,

2․հետևել Կազմակերպության կանոնադրությանը,

3․չկատարել Կազմակերպության հեղինակությունը արատավորող արարքներ, 4․բարեխղճորեն կատարել իր վրա դրված պարտականությունները,

5․Կատարել Կազմակերպության ղեկավար մարմինների որոշումները:

6․Կազմակերպության կանոնադրությունը խախտելու կամ Կազմակերպության կառավարման մարմինների որոշմամբ իր վրա դրված պարտականությունները չկատարելու դեպքում Կազմակերպության անդամի նկատմամբ Կազմակերպության խորհրդի կողմից կարող են կիրառվել կարգապահական տույժի միջոցներ` նկատողության կամ Կազմակերպության անդամությունից հեռացնելու ձևով:

7․Կազմակերպությունը կարող է ունենալ պատվավոր անդամներ, ովքեր ընտրվում են Կազմակերպության Խորհրդի կողմից: Կազմակերպության պատվավոր անդամի կոչում շնորհվում է բարեգործական հասարակական կյանքում, գիտության, մշակույթի և այլ բնագավառներում մեծ ներդրում ունեցած անհատներին:

Կազմակերպության պատվավոր անդամն իրավունք ունի.                                

1․մասնակցել կազմակերպության բարձրագույն մարմնի նիստերին (բացի այն նիստերից, որոնք նախապես որոշված են եղել անցկացնել դռնփակ),

2․առանց քվեարկության ձայնի իրավունքի, Կազմակերպության աշխատանքները բարելավելու նպատակով ներկայացնել առաջարկություններ, սպառիչ տեղեկատվություն ստանալ Կազմակերպության գործունեության մասին,

3․անարգել դուրս գալ պատվավոր անդամությունից:

4․Կազմակերպության պատվավոր անդամը պարտավոր է նպաստել  Կազմակերպության հեղինակության բարձրացմանը:

1․Կազմակերպության կառավարման մարմիններն են Կազմակերպության խորհուրդը, կազմում գտնվող 4 հանձնաժողովները և գործադիր մարմինը` Նախագահը:

1․1 Կազմակերպության կազմում գործում են հետևյալ 4 հանձնաժողովները, որոնք ունեն նախագահ և քարտուղար, որոնց նշանակում է Կազմակերպության նախագահը
1․ Լրատվության և հասարակայնութան հետ կապերի հանձնաժողով
2․ Իրավական հարցերի հանձնաժողով
3․ Գնումների, մատակարարման և տնտեսական հարցերի հանձնաժողով
4․ Մշակույթի հանձնաժողով
1․2 Հանձնաժողովների նախագահները խորհրդակցական ձայնի իրավունքով կարող են մասնակցել Կազմակերպության խորհրդի նիստերին      2.Կազմակերպության ղեկավար և վերահսկող մարմիններն ընտրովի են: Կազմակերպության բարձրագույն մարմինը նրա անդամների Ընդհանուր ժողովն է, որին պատկանում է Կազմակերպության կառավարման և գործունեության հետ կապված ցանկացած հարցի վերջնական լուծման իրավունքը:

3․ Կազմակերպության Ընդհանուր ժողովը գումարվում է 5 (հինգ) տարին մեկ անգամ:                                                                                                  1․Կազմակերպության Ընդհանուր ժողովի արտահերթ նիստ հրավիրվում է Կազմակերպության Վերստուգողի կամ Կազմակերպության անդամների ընդհանուր  թվի առնվազն 1/3-ի պատճառաբանված գրավոր պահանջով:
2․Կազմակերպության Ընդհանուր ժողովի հրավիրման օրը և նախնական օրակարգը Ընդհանուր ժողովի մասնակիցներին հաղորդվում է ժողովի հրավիրման օրվանից առնվազն 14 օր առաջ:

4․Կազմակերպության Ընդհանուր ժողովը.

1․հաստատում է կազմակերպության կանոնադրությունը և նրանում կատարվող փոփոխությունները, նոր խմբագրությունները:

2․հաստատում է կազմակերպության գործունեության և գույքի օգտագործման հաշվետվությունները,

3․ընտրում է Կազմակերպության նախագահ՝ 5 (հինգ)  տարի ժամկետով․

4․ձևավորում է Կազմակերպության խորհուրդ ՝ 2 տարի ժամկետով,

5․որոշում է կայացնում Կազմակերպության խորհրդի, նախագահի, վերստուգողի հանձնաժողովի գործունեության վաղաժամկետ դադարման մասին,

6․որոշում է կայացնում գույքի փոխանցման կամ բաժանիչ հաշվեկշռի հաստատման մասին, որոշում է կայացնում Կազմակերպության լուծարման և վերակազմակերպման մասին, բացի դատարանի վճռով վերակազմակերպումից:

7․Կազմակերպության Ընդհանուր ժողովը կարող է հարցեր քննարկել և որոշումներ ընդունել, եթե ժողովին մասնակցում են կազմակերպության անդամների ընդհանուր թվի կեսից ավելին:
8․Բացի Կազմակերպության նախագահին պաշտոնից ազատելու մասին որոշումից, Ընդհանուր ժողովի բոլոր որոշումները ընդունվում են. եթե կողմ է քվեարկել կազմակերպության բոլոր անդամների թվի կեսից ավելին: 9․Կազմակերպության նախագահին պաշտոնից ազատելու մասին որոշումը ընդունվում է, եթե այդ որոշման ընդումնանը կողմ է քվեարկել կազմակերպության բոլոր անդամների թվի ¾-ը:

5․ Ժողովի բացառիկ իրավասության հարցերն են`

1․ Ձևավորվում է Կազմակերպության Ընդհանուր ժողովի կողմից 2 տարի ժամկետով և հանդիսանում է Կազմակերպության ղեկավար մարմինը Ընդհանուր ժողովի նիստերի միջև ընկած ժամանակահատվածում,

2) քննարկում և որոշումներ է կայացնում Կազմակերպության գործունեության վերաբերյալ,

3) քննարկում և հաստատում է Կազմակերպության Նախագահի ներկայացրած ծրագրերն ու հաշվետվությունները,

4) որոշումներ է կայացնում գույք ձեռք բերելու, օգտագործելու, տնօրինելու վերաբերյալ` անկախ գույքի տեսակներից և չափերից,

5) անհրաժեշտության դեպքում սահմանում է անդամավճար, որոշում է անդամավճարի չափը և գանձման կարգը, ձևավորում կամ լուծարում է ժամանակավոր և մշտական հանձնաժողովներ,

6․ձևավորում կամ լուծարում է ժամանակավոր և մշտական հանձնաժողովներ,

7․նշանակում է վերոհիշյալ հանձնաժողովների նախագահներին, սահմանում վերոհիշյալ հանձնաժողովների պատասխանատվության ոլորտը, ընտրում է Կազմակերպության պատվավոր անդամներ, խորհրդի անդամներից մեկին ընտրում է, որպես խորհրդի քարտուղար,
8․Կազմակերպության Նախագահի ներկայացմամբ հաստատում է Կազմակերպության հաստիքային աշխատողների ցուցակը և դրույքաչափերը,
9․որոշումներ է կայացնում Կազմակերպության առանձնացված ստորաբաժանումներ, ներկայացուցչություններ և մասնաճյուղեր, ինչպես նաև հանձնաժողովներ, բաժիններ, աշխատանքային խմբեր, լրատվական միջոցներ ստեղծելու և լուծարելու մասին, հաստատում է դրանց կանոնադրությունները, կանոնակարգերը և աշխատակարգերը, նշանակում կամ ընտրում է դրանց ղեկավարներին:
10․ Կազմակերպության Խորհրդի անդամ կարող է ընտրվել Կազմակերպության յուրաքանչյուր անդամ, ով Ընդհանուր ժողովի նիստում կներկայացնի իր թեկնածությունը:
11․ Կազմակերպության Խորհուրդը իր հերթական նիստը գումարում է շաբաթը մեկ անգամ, որոշումներն ընդունվում են նիստի մասնակիցների ձայների պարզ մեծամասնությամբ, իսկ նիստը կայացած է համարվում, եթե դրան մասնակցում է Խորհրդի անդամների ընդհանուր թվի առնվազն 2/3-ը:
12․ Խորհրդի արտահերթ նիստ կարող է հրավիրվել Կազմակերպության Նախագահի, Վերստուգողի կամ Խորհրդի անդամների ընդհանուր թվի 1/3-ի գրավոր պահանջով:
13․ Կազմակերպության Խորհուրդը կարող է անվստահություն հայտնել Կազմակերպության Նախագահին իր պարտականությունները չկատարելու կամ ոչ պատշաճ կատարելու դեպքում և նրա հեռացման հարցը քննարկման դնել Ընդհանուր ժողովում, որի համար Վերստուգողը հրավիրվում է Ընդհանուր ժողովի արտահերթ նիստ:
14․Եթե Ընդհանուր ժողովը չի հաստատում Կազմակերպության Խորհրդի որոշումը` Նախագահին հեռացնելու մասին, ապա Խորհուրդը համարվում է լուծարված, և անմիջապես կազմակերպվում են Խորհրդի անդամների նոր ընտրություններ:

5.Կազմակերպության Նախագահը
1.Կազմակերպության Նախագահը. ընտրվում է Կազմակերպության Ընդհանուր ժողովի կողմից` հինգ տարի ժամկետով և ունի վերընտրման իրավունք։ 2․Կազմակերպության նախագահը կարող է ունենալ Խորհրդական  և օգնական և Կազմակերպության փոխնախագահ
3․Ղեկավարում է Խորհրդի աշխատանքները, ներկայացնում է Կազմակերպությունը` առանց լիազորագրի, ապահովում է Կազմակերպության Խորհրդի և Ընդհանուր ժողովի որոշումների կատարումը,

4․ղեկավարում և համակարգում է կազմակերպության ներսում և կազմակերպության անունից իրականացվող բոլոր գործընթացները,

5․մշակում և Ընդհանուր ժողովին է ներկայացնում կատարված աշխատանքի մասին հաշվետվությունները,

6․վարում է Ընդհանուր ժողովի և Խորհրդի նիստերը, միանձնյա որոշումներ է կայացնում Կազմակերպության գործունեության ընթացիկ հարցերի վերաբերյալ` բացառությամբ Ընդհանուր ժողովի և Խորհրդի իրավասությանը վերաբերող հարցերի,

7․իր իրավասության շրջանակներում ստորագրում է հրամաններ, կարգադրություններ և այլ անհրաժեշտ փաստաթղթեր,

8․Կազմակերպության անունից վարում է բանակցություններ, կնքում է պայմանագրեր և համաձայնագրեր, ստորագրում Ընդհանուր ժողովի և Խորհրդի կողմից ընդունված փաստաթղթերը, իրականացնում է Ընդհանուր ժողովի և Խորհրդի կողմից իր վրա դրված այլ լիազորություններ,
9․Նշանակում է Կազմակերպության կազմում գործող հանձնաժողովների նախագահներին:

6.Կազմակերպության Խորհրդի քարտուղարը   
1․Կազմակերպության Խորհրդի քարտուղար կարող է լինել խորհրդի ցանկացած անդամ, ով կընտրվի խորհրդի կողմից ձայների պարզ մեծամասնությամբ։

2․Խորհրդի քարտուղարը պարտավոր է կազմել Խորհրդի բոլոր նիստերի արձանագրությունները և ներկայացնել Կազմակերպության նախագահի հաստատմանը նիստի ավարտից ոչ ուշ քան երկու օրվա ընթացքում,

3․Խորհրդի քարտուղարը կարող է հրաժարվել քարտուղարի պարտականություններից Խորհրդին ուղղված գրավոր դիմումի համաձայն, 4․Խորհրդի քարտուղարի կողմից` իր պարտականությունների ոչ պատշաճ  կատարման դեպքում Խորհուրդը կարող է հեռացնել նրան զբաղեցրած պաշտոնից ։

1․Կազմակերպության գույքը հանդիսանում է կազմակերպության սեփականությունը: 2․Կազմակերպությունը՝ որպես սեփականություն, կարող է ունենալ անշարժ գույք, տրանսպորտային միջոցներ, սարքավորումներ, դրամական միջոցներ, արժեթղթեր և օրենքով չարգելված այլ գույք:

3․Կազմակերպության անդամը նրա սեփականության նկատմամբ բաժնային իրավունք չունի:

4․ Կազմակերպության սեփականության գոյացման աղբյուրներ կարող են լինել հիմնադիրների անձնական միջոցները, անդամավճարներից գոյացած միջոցները, դրամական և նյութական ներդրումները, դրամաշնորհները, բարեգործական ներդրումները, քաղաքացիների և կազմակերպությունների նվիրատվությունները, ՀՀ օրենսդրությամբ չարգելված այլ մուտքերը:

5․Կազմակերպության սեփականությունը գտնվում է ՀՀ պաշտպանության ներքո: 6.Կազմակերպության սեփականությունը կարող է բռնագանձվել միայն դատարանի կողմից` օրենքով սահմանված կարգով:

7․Կազմակերպության միջոցները կարող են ծախսվել միայն սույն կանոնադրությամբ նախատեսված նպատակների եւ խնդիրների իրականացման համար:

1.Կազմակերպությունը կարող է վերակազմակերպվել և լուծարվել Ընդհանուր ժողովի կամ դատարանի որոշմամբ:

2.Կազմակերպության վերակազմակերպումը կամ լուծարումը կարող է իրականացվել նաև ՀՀ օրենսդրությամբ սահմանված կարգով:
3. Ընդհանուր ժողովը կազմավորում է լուծարային հանձնաժողով և օրենքով նախատեսված կարգով սահմանում լուծարման կարգը և ժամկետները:
4. Կազմակերպության լուծարման դեպքում լուծարային հանձնաժողովը օրենքով սահմանված կարգով պարտատերերի պահանջները բավարարելուց և պարտադիր վճարումներն իրականացնելուց հետո մնացած գույքն Ընդհանուր ժողովի որոշմամբ սահմանված կարգով օգտագործում է Կազմակերպության կանոնադրական նպատակների իրականացման համար, դրա անհնարինության դեպքում փոխանցում է պետական բյուջե: