Անմահ հերոս Վրեժ Սարգսյան

Ապրիլյան պատերազմում զոհված Վրեժ Սարգսյանը ծնվել է 1989 թվականի մարտի 22-ին։ Վրեժի ընտանիքը բնակվել է Արագածոտնի մարզում, բայց տարիներ անց՝ ընտանիքը մշտական բնակության է տեղափոխվել Գեղարքունիքի մարզի Փոքր Մասրիկ գյուղ: Դպրոցն ավարտելուց հետո Վրեժը զբաղվել է գյուղատնտեսական աշխատանքներով, օգնել ընտանիքին։

2007 թվականին զորակոչվել է պարտադիր զինվորական ժամկետային ծառայության Արցախի Հանրապետության Հադրութի շրջանի զորամասերից մեկում (այժմ օկուպացված է Ադրբեջանի կողմից)։

Ծառայության ժամանակ կրտսեր սերժանտի կոչում է ստացե՝ լավ  ու նվիրված ծառայության համար մի շարք պատվոգրերի արժանացել: 2011 թվականին՝ որպես պայմանագրային զինծառայող, համալրել է ՊԲ շարքերը, եղել հրաձգային ջոկի հրամանատար:

2016 թվականի ապրիլին թշնամին ձեռնարկել է լայնամասշտաբ ռազմական գործողություններ, արդյունքում հայկական կողմն անցել է պատասխան հարվածի՝ հակառակորդին պատճառելով կենդանի ուժի ու զինտեխնիկայի մեծաքանակ կորուստներ։

Ապրիլի 4-ին Վրեժը զոհվել է՝ Թալիշում ծավալված մարտական գործողությունների ժամանակ, հակառակորդի դեմ պայքարում։

Վրեժն ամուսնացած էր, ունի մեկ որդի։

Վրեժ Վարդանի Սարգսյանը հետմահու պարգևատրվել է Հայաստանի Հանրապետության «Արիության» և Արցախի Հանրապետության «Մարտական ծառայություն» մեդալներով։

«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։

Ալվինա Հարությունյան