Հակառակորդի դիվերսիոն ներթափանցման բոլոր փորձերը՝ հրետանու հեռահար հարվածով հետ են շպրտվել. Արծրուն Հովհաննիսյան

«Այսօր վաղ առավոտյան՝ գրեթե բոլոր ուղղություններվ, ադրբեջանական ԶՈՒ-երը շարունակել են հարձակողական գործողությունները»,- այս մասին հայտնեց ՀՀ ՊՆ ներկայացուցիչ Արծրուն Հովհաննիսյանը, հավելելով, որ տարբեր գյուղերում շարունակվել է դիվերսիոն խմբերի դեմ պայքարը:
ՊՆ ներկայացուցչի փոխանցմամբ, այսօր վաղ առավոտյան Մարտունի քաղաքից հարավ ադրբեջանական ԶՈՒ-երի ներկայացուցիչները զրահատեխնիկայի, օդուժի, հրետանու աջակցությամբ փորձել են հարձակում զարգացնել. «Կորցնելով մի քանի զրահատեխնիկա և մեծ թվով կենդանի ուժ, հետ են շպրտվել ելման բնագծեր: Կեսօրին մոտ նրանք հյուսիսային հատվածում՝ Քարվաճառի ուղղությամբ, մի քանի տեղամասում փորձել են ծխածածկույթի քողի տակ, դիակները հանելու պատրվակով դիվերսիոն ներթափանցում իրականացնել մեր միջդիրքային տարածություններ, բայց հայտնաբերվել են և հրետանու հեռահար հարվածով հետ են շպրտվել»:
Սմերչ կայանից հրթիռակոծվել են Ստեփանակերտ և Շուշի քաղաքները. «Հրդեհներ են բռնկվել: Կոնկրետ Ստեփանակերտում թիրախավորվել է Մոր և մանկան կենտրոնը: Սա ի ցույց աշխարհի»:
Ըստ Հովհաննիսյանի, Սյունիքի մարզի Դավիթ Բեկ գյուղում իրավիճակը համեմատաբար հանգիստ է:
Մարտերը շարունակվում են. «Մարտերը հիմա շատ սաստիկ ու ծանր չեն, մեր ստորաբաժանումները լիովին վերահսկում են իրավիճակը»:

Իննա Թումանյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Մեկնաբանություններ