«Այս պահի դրությամբ հրադադարը հիմնականում պահպանվում է, չնայած նրան, որ առանձին տեղերում պրովակացիաներ իրականացվել են». Արծրուն Հովհաննիսյան

Մինչև հրադադարի հայտարարելը, երեկ ողջ գիշեր մարտերը նորից ընթանում էին և հատկապես թեժ էր հարավային ուղղությամբ»,-այս մասին Միասնական տեղեկատվական կենտրոնից հայտնեց Արծրուն Հովհաննիսյանը՝ հավելելով, որ հակառակորդը նույն գործողությունն էր փորձում իրականացնել, որպեսզի առաջխաղացում ապահովի, սակայն այն կասեցվեց ՀՀ ԶՈՒ-երի կողմից:
Մարտերի ընթացքում հակառակորդը երեկվա և այսօր կեսօրվա դրությամբ տվել է մոտ 200 զոհ. «Նրանք կորցրել են 3 ԱԹՍ, 4 ավտոտեխնիկա և այլ մանր միջոցներ»:
Հրադադար հայտարարվելուց ժամեր առաջ հակառակորդի գործողությունները ավելի սաստկացել են, բայց մեր ԶՈՒ-երը հետ են մղել բոլոր առաջխաղացեումները.
«Այս պահի դրությամբ հրադադարը հիմնականում պահպանվում է, չնայած նրան, որ առանձին տեղերում պրովակացիաներ իրականացվել են և մեր կողմից դրանց պատասխանը տրվել է: Մասնավորապես մինչև հրադադարի հայտարարվելը, Ադրբեջանի ԶՈՒ-երի հետախուզադիվերսիոն ստորաբաժանումներից փոքր խմբեր փորձել են ներթափանցել Հադրութ քաղաք և այդ ընթացքում մեր կողմից այդ խմբերը չեզոքացվել են: Ընթացել են ոչ մեծ մարտեր»:
Հրադադարի հայտարարվելուց հետո ՊԲ տեղամասերից մեկում թույլ է տրվել, որպեսզի հակառակորդը մոտենա և վերցնի իր մի քանի դիակները. «Այդ գործընթացը հետո դադարեցվել է, քանզի նման դեպքերը ևս օգտագործել են պրովակացիա իրականացնելու համար»: Պաշտոնապես հայտարարում ենք, որ այսուհետ դա թույլ է տրվելու, ինչպես նշված է հայտարարության մեջ՝ միայն Կարմիր խաչի ներկայացուցիչների առկայության դեպքում»:
Հովհաննիսյանն նշեց նաև, որ Սյունիքում իրավիճակը նորմալ է, մարտական գործողություններ չկան. «Քաղաքացիների անվտանգությանը որևէ վտանգ չի սպառնում, դրանով զբաղվում են ՏԻՄ-երը, ոստիկանությունն ու ԱԻՆ-ը»:

Իննա Թումանյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Մեկնաբանություններ