«ԱՀ ՊԲ ուժերը համապատասխան պատասխան են տալիս հակառակորդի գործողություններին, ուղղակի զուտ թիրախավորելով ռազմական օբյեկտները, զորքերը, զորախմբերը»,-այս մասին տեղեկատվական կենտրոնից հայտնեց Արծրուն Հովհաննիսյանը:
Նրա խոսքով, այսօր առավոտյան հակառակորդը կիրառելով մեծաթիվ ուժեր, զրահատեխնիկա, կրկին հարավային ուղղությամբ ձեռնարկել էր հարձակման լայնածավալ փորձ. «Ընդ որում նրանք ժամանակավոր փոքրիկ հաջողությունները փորձում են ներկայացնել, որպես մեծ հաղթանակներ: Մեր զորքերը հետ են շպրտել գրագետ խուսավարման արդյունքում: Հակառակորդը մեծ կորուստներ է կրել»:
ՄԻՊ Արման Թաթոյանը նախ ցավակցական խոսքեր ասաց զոհված զինվորների և քաղաքացիականների ընտանիքներին. «Առաջին օրից թիրախավորվում են քաղաքացիական խաղաղ բնակավայրերը ու այնպիսի զինատեսակներով, որոնք արգելված են»:
ԱԹՍ-ները որոնք օգտագործվում են հենց ավերածություններ առաջացնելու նպատակ են հետապնդում. «Գեղարքունիքի մարզի ուսումնասիրությունները ցույց են տալիս, որ դրանք օգտագործում են ուշ ժամերի, որ մարդիկ տանը լինեն, չափազանց շատ վնասվեն»:
Ըստ ՄԻՊ-ի թիրախավորվում են հատկապես խիտ բնակեցված բնակավայրերը: Միջազգային լրագրողներին և ոչ միայն թիրախավորում են, քանզի ուզում ե պատասխանատվությունը դնել ՀՀ-ի ուսերին:
Իննա Թումանյան
