«Մենք ապահովված ենք բոլոր անհրաժեշտ պարենային ապրանքներով». Գրիգորի Մարտիրոսյան

ԱՀ պետական նախարար Գրիգորի Մարտիրոսյանը ճեպազրույցի ընթացքում հայտնեց, որ ռազմական գործողությունների մեկնարկից որոշ ժամանակ անց ԱՀ նախագահի կարգադրությամբ՝ իր գլխավորությամբ կազմավորվել է օպերատիվ խումբ. «Կազմում ընդգրկվել են գյուղատնտեսության, էկոնոմիկայի և արտադրական ենթակառուցվածքերի, տարածքային կառավարման և զարգացման նախարարները, ինչպես նաև ԱԻ տնօրենը»:
Քաղաքացիական պաշտպանության համակարգի առումով, այն բերված է բարձր աշխատանքային ռեժիմի և պլանով նախատեսված ռեժիմով աշխատում են. « Բոլոր այն բնակավայրերում, որտեղ խաղաղ բնակչությունը ենթարկվել է հրետակոծության, իրականացվել է բնակչության պատսպարում, ապա նաև տարհանում»:
Նախարարի խոսքով բնակչությունը գտնվում է կառավարության և օպերատիվ խմբի ուշադրության կենտրոնում. «Նրանց բոլոր խնդիրները լուծվում են, իրականացվում է նյութական աջակցություն»:
Տարհանված բնակչությունը գտնվում է ԱՀ այլ բնակավայրերում, հիմնականում օգտագործվել է հյուրանոցային ֆոնդը:
Ամբողջ հանրապետության մակարդակով պարենային ապահովվման մակարդակին անդրադառնալով, նախարարն ասաց, որ մենք ապահովված ենք բոլոր անհրաժեշտ ապրանքներով. «Որևէ պարենային դիֆիցիտի առաջացման վտանգ չունենք այս պահին, սակայն հարկ է նշել, որ գործողությունների մեկնարկը վնաս հասցրել է և՛ բնակչությանը, և՛ տնտեսությանը: Այժ իրականացնում ենք վնասների գնահատում»:
Նախարարն իր խոսքի վերջում հավաստիացրեց, որ բնակչության կարիքների առաջացման դեպքում միանգամից արձագանքում և լուծում են:

Իննա Թումանյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Մեկնաբանություններ