«Տապալվել են հակառակորդի բոլոր գործողությունները՝ բոլոր ուղղություններով». Արթուր Սարգսյան
![](https://banak.info/wp-content/uploads/2020/09/ah-pb-hramanatari-teghakal-art-n189980-1.jpg)
ՊԲ հրամանատարի տեղակալ, գնդապետ Արթուր Սարգսյանը ճեպազրույցի ընթացքում հայտնեց, որ հակառակորդի զավթողական մտահղացումն այսօր ևս ձախողվել է. «Ռազմաճակատի տարբեր ուղղություններով ՊԲ ստորաբաժանումները գրանցել են տարբեր հաջողություններ և վերցրել նախորդ օրերին կորցրած որոշ դիրքեր (հյուսիսային և հարավային ուղղություններով)»:
Հակառակորդն այսօր ևս օգտագործել է իր ամբողջ զինանոցը, սակայն ձախողվելով վերադարձել է իր նախորդ դիրքերին և փորձել ամրանալ այնտեղ. «ՊԲ ստորաբաժանումները վճռական հակահարված են հասցրել հակառակորդին, տապալելով նրա բոլոր գործողությունները՝ բոլոր ուղղություններով:
Գնդապետի խոսքով այսօրվա մարտերում հակառակորդը կորցրել է 17 տանկ, 4 զրահափոխադրիչ, 3 ինժեներատեխնիկական ծանր զրահատեխնիկա, 13 ԱԹՍ, անձնակազմը 500-ից ավելի. «Ցավոք սրտի յուրային զորքերը ևս ունեն կորուստներ, որի թվային տվյալները ճշտվում են»:
Արցախի օդային տարածքում գրանցվել է թուրքական F16 կործանիչների կիրառում. «Նախորդ տարիների համեմատ ունեցած արդյունավետությունը մեզ ցույց է տալիս, որ գործողություններում ակնհայտ կա թուրքական ձեռագիր. ունեցած հաջողությունները դրա արդյունքն են»
Իննա Թումանյան
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: